MICHUANO YA KLABU BINGWA YA DUNIA YAANZA KUPAMBA MOTO, SETIF KUKWAANA NA AUCKLAND CITY.

MABINGWA wa soka Afrika klabu ya Entente Setif ya Algeria inatarajiwa kupambana na timu ya Auckland City ya New Zealand katika mchezo wa michuano ya Klabu Bingwa ya Dunia utakaofanyika nchini Morocco Jumamosi. Auckland City ambao ndio mabingwa wa Oceania waliitandika Moghreb Tetouan ya Morocco kwa matuta baada ya mchezo kumalizika kwa sare ya bila ya kufungana mpaka katika muda wa nyongeza katika mchezo wa ufunguzi wa michuano hiyo. Mechi nyingine ya robo fainali itakayochezwa Jumamosi itawakutanisha mabingwa wa Amerika ya Kaskazini na Kati Cruz Azul ya Mexico dhidi ya mabingw awa Asia West Sydney Warriors. Mshindi katika mchezo huo atawavaa mabingwa wa Ulaya ambao wanapewa naafsi kubwa ya kunyakuwa taji hilo Real Madrid, katika hatua ya nusu fainali. Nusu fainali nyingine katika michuano hiyo itawakutanisha mabingwa wa soka wa Amerika Kusini San Lorenzo ya Argentina ambao watachuana na aidha Setif au Auckland.