VAN GAAL NDIYE MTU SAHIHI KWA UNITED - SOLSKJAER.

MSHAMBULIAJI nyota wa zamani wa Manchester United, Ole Gunner Solskjaer amesema Louis van Gaal ndiye mtu sahihi aliyekuwa akihitajika na klabu hiyo. Mholanzi huyo amechukua naafsi ya David Moyes Old Trafford na kuingoza United kushika nafasi ya tatu katika msimamo wa Ligi Kuu baada ya kushinda mechi sita mfululizo. Solskjaer ambaye ameshinda mataji sita katika kipindi cha miaka 11 alichokuwa na klabu hiyo amesema kocha huyo ndio mtu aliyekuwa akihitajika. Akihojiwa nyota huyo wa zamani aliendelea kudai kuwa mashabiki na wachezaji wa United walikuwa wakihitaji mtu imara na sasa wamempata ndio maana timu inaanza kupata matokeo mazuri. Solskjaer pia anadhani United hawapaswi kuondolewa katika mbio za ubingwa wa ligi pamoja na kupitwa alama nane na vinara Chelsea.