CHELSEA YAMUUZA SCHURRLE KWENDA WOLFSBURG KWA KITITA CHA PAUNDI MILIONI 22.

WINGA Andre Schurrle amekamilisha uhamisho wake wa paundi milioni 22 kutoka klabu ya Chelsea kwenda katika timu ya Wolfsburg ya Ujerumani. Nyota huyo mwenye umri wa miaka 24, alikuwemo katika kikosi cha Ujerumani kilichonyakuwa Kombe la Dunia huku akifunga mabao mawili katika mchezo wa nusu fainali walipoitandika Brazil kwa mabao 7-1 na kucheza pia katika mchezo wa fainali dhidi ya Argentina. Schurrle alijiunga na Chelsea kwa kitita cha paundi milioni 18 akitokea klabu ya Bayer Leverkusen Juni mwaka 2013 na kuifungia timu hiyo mabao 14. Uhamisho wake umetoa nafasi kwa winga wa kimataifa wa Colombia Juan Cuadrado kuhamia Chelsea akitokea Fiorentina kwa kitita cha paundi milioni 23.3. Cuadrado mwenye umri wa miaka 26 amesaini mkataba wa miaka minne na nusu na Chelsea.