WEST BROM YAMSAJILI FLETCHER BURE KUTOKA UNITED.

KLABU ya West Bromwich Albion imefanikiwa kumsajili kiungo wa kimataifa wa Scotland Darren Fletcher kwa uhamisho huru kutoka Manchester United. Fletcher mwenye umri wa miaka 31 amesajiliwa kwa mkataba wa miaka miwili na nusu huku kukiwa na uwezekano wa kuongezwa miezi mingine 12. West Ham United pia walikuwa wakimtaka kiungo huyo lakini uwezekano wa kumsajili ulishindikana mwishoni mwa wiki iliyopita. Fletcher ameitumikia United mechi 342 lakini ameshindwa kabisa kupata nafasi katika kikosi cha Louis van Gaal baada ya kucheza mechi tano pekee msimu huu.