MARSEILLE YAKAMILISHA MKOPO WA OCAMPOS.

KLABU ya Olimpique de Marseille imekamilisha usajili wa mkopo wa Lucas Ocampos kutoka Monaco huku kikuwa na uwezekano wa kumchukua moja kwa moja mwishoni mwa msimu. Kulikuwa na tetesi mbalimbali zilizozagaa kuhusiana na usajili wa nyota huyo wa kimataifa wa Argentina mwenye umri wa miaka 20, lakini Marseille alizima tetesi kwa kutangaza kumsajili katika muda wa mwisho. Ocampos alianza kusakata kabumbu katika klabu ya River Plate ambako alicheza kwa msimu mmoja kabla ya kuchukuliwa na Monaco mwaka 2012 kwa kitita cha euro milioni 15. Toka wakati huo ameshacheza mechi 100 katika kikosi cha kwanza cha Monaco lakini msimu huu umekuwa sio mzuri kwake kwa kushindwa kupata namba katika kikosi cha Monaco kinachonolewa na Leonardo Jardim.