GUARDIOLA BADO ATAKA ZAIDI BAYERN PAMOJA NA USHINDI.

MENEJA wa klabu ya Bayern Munich, Pep Guardiola amekitaka kikosi chake kuimarika zaidi pamoja na kupata ushindi wao wa kwanza kwa mwaka huu na kuendelea kubakia kileleni mwa msimamo wa Bundesliga kwa tofautia ya alama nane. Katika mchezo wa jana Bayern walipata ushindi wa mabao 2-0 dhidi ya Stuttgart, mabao ambayo yalifungwa na Arjen Robben na David Alaba. Akihojiwa Guardiola amesema ubora wa Robben na Alaba ndio ulioleta tofauti katika mchezo huo. Guardiola aliongeza kuwa bado hawajafikia ubora wao haswa wakikutana na timu ngumu. Hata hivyo, aliwapongeza wachezaji wake kwa kupata ushindi huo muhimu ingawa amedai bado kuna kazi kubwa ya kufanya.