RODGERS ADAI COUTINHO NDIO SUAREZ MPYA LIVERPOOL.

MENEJA wa klabu ya Liverpool, Brabdan Rodgers anaamini Philippe Coutinho anaweza kufikiwa kiwango kama cha Luis Suarez. Kauli hiyo ya Rodgers imekuja kufuatia nyota huyo wa kimataifa wa Brazil kufunga bao la ushindi katika dakika za majeruhi ya kuisaidia Liverpool kutinga hatua ya mzunguko wa tano wa Kombe la FA kwa kuichapa Bolton Wanderers kwa mabao 2-1. Katika mchezo huo Bolton ndio waliotanguliwa kufunga bao la kuongoza kwa njia ya penati kabla ya Raheem Sterling hajasawazisha bao hilo. Suarez aliingoza Liverpool kugombea taji la Ligi Kuu msimu uliopita kwa kufunga mabao 31 katika mechi 33 alizocheza kabla ya kwenda Barcelona Julai mwaka jana na Rodgers anadai Coutinho mwenye umri wa miaka 22 anaweza nyayo za Nyota huyo wa kimataifa wa Uruguay. Rodgers amesema hana shaka yeyote kwamba Coutinho atakuwa kuwa mmoja kati ya wachezaji bora kabisa duniani katika miaka michache ijayo kutokana na kipaji cha kipekee alichonacho.