KOEMAN AKITAMANI KIBARUA CHA PELLEGRINI CITY.

MENEJA wa klabu ya Southampton, Ronaldo Koeman amekiri angependa kuinoa timu yake ya zamani ya Barcelona siku moja lakini amedokeza kuwa pia angependa kumrithi Manuel Pellegrini katika klabu ya Manchester City. Koeman amekuwa akipongezwa kwa kuingoza Southampton katika mbio za nafasi nne za juu katika Ligi Kuu msimu huu pamoja na timu hiyo kupoteza wachezaji wake wengi nyota kama kama Rickie Lambert, Adam Lallana, Dejan Lovren na Luke Shawa katika usajili wa kiangazi. Pellegrini hivi sasa yuko chini ya shinikizo baada ya kuwaacha Chelsea wakiendelea kutanua pengo la alama kileleni huku wakizidiwa maarifa na Barcelona katika mchezo wao wa mkondo wa kwanza wa Ligi ya Mabingwa Ulaya uhatua ya timu 16 bora. Akiwa amewahi kushinda mataji manne ya La Liga na moja la Ulaya katika kipindi cha miaka sita aliyoichezea Barcelona, Koeman amesema angefurahi sana kurejea akiwa kocha katika siku za usoni. Mbali na kuitaka Barcelona, lakini pia Koeman amesema anakitamani kibarua cha Pellegrini kama ataachia ngazi City.