KANE KUGOMBEA TUZO MBILI UINGEREZA.

MSHAMBULIAJI nyota wa klabu ya Tottenham Hotspurs, Harry Kane ni mmoja kati ya wachezaji wanne walioteuliwa katika orodha zote mbili za kugombea tuzo ya mchezaji bora wa kulipwa wa mwaka na tuzo ya mchezaji bora anayechipukia. Golikipa wa Manchester United David De Gea, mshambuliaji wa Chelsea Eden Hazard na kiungo wa Liverpool Philippe Coutinho nao pia wanaweza kushinda tuzo hizo mbili. Mshambuliaji wa Arsenal Alexis sanchez na Diego Costa wa Chelsea ndio wanakamilisha orodha ya tuzo ya wakubwa. Hii ni mara ya kwanza wachezaji wanne kuteuliwa kugombea tuzo zote mbili. Hazard anaingia katika orodha hiyo kwa mwaka wa tatu mfululizo akiwa tayari ameshapoteza kwa Gareth Bale na Luis Suarez.