MENEJA WA PALACE ADAI BOLASIE ANA THAMANI YA PAUNDI MILIONI 20.

MENEJA wa klabu ya Crystal Palace, Alan Pardew amesema Yannick Bolasie ana thamani zaidi ya anayokadiriwa kutokana na kiwango bora alichonacho hivi sasa. Nyota huyo wa kimataifa wa Jamhuri ya Kidemokrasia ya Congo-DRC mwenye umri wa miaka 25 alifunga mabao hat-trick wakati Palace ikiilaza Sunderland kwa mabao 4-1 Jumamosi iliyopita. Kumekuwa na taarifa kuwa mchezaji huyo amekuwa akiwindwa na vilabu kadhaa huku wakitoa dau la paundi milioni 10. Akihojiwa Pardew amesema klabu yeyote inayomtaka mchezaji huyo inapaswa kuangalia dau hilo kwani ana thamani mara mbili zaidi ya hiyo.