ANCELOTTI AIPA TANO BARCELONA.

MENEJA wa Real Madrid Carlo Ancelotti ameipongeza Barcelona kuitaja kama timu bora baada ya kuichakaza Cordoba kwa mabao 8-0 jana. Ushindi huo wa Barcelona ulifuatiwa na ule wa Madrid walioshinda bao 3-2 dhidi ya timu ngumu ya Sevilla huku Cristiano Ronaldo akifunga hat-trick katika mchezo huo. Kwa upande wa Barcelona mabao yake yalifungwa washambuliaji wake mahiri akiwemo Luis Suarez aliyefunga hat-trick, Lionel Messi mabao mawili, Neymar bao moja na Gerrard Pique na Rakitic wote wakifunga bao moja kila mmoja. Akizungumza na wanahabari baada ya mchezo wao, Ancelotti amesema Barcelona ni timu bora kwani safu mahiri ya ushambuliaji hivyo sio jambo la kushangaza kuweza kufunga mabao mengi. Kocha huyo Muitaliano pia aliwapongeza wachezaji wake kwa ushindi huo muhimu kwani haikuwa kazi rahisi kuifunga Sevilla nyumbani kwao.