BARCELONA BINGWA MPYA LA LIGA.

KLABU ya Barcelona imefanikiwa kutwaa taji la La Liga kwa mara ya 23 baada ya kufanikiwa kuwafunga Atletico Madrid ambao ndio walikuwa mabingwa watetezi. Bao pekee katika mchezo huo lililofungwa na mshambuliaji mahiri Lionel Messi lilitosha kuihakikishia Barcelona taji hilo huku wakiwa wamebakisha mchezo mmoja msimu kumalizika. Mahasimu wa Barcelona, Real Madrid wao watamaliza katika nafasi ya pili pamoja na kuichanga Espanyol jana huku Cristiano Ronaldo akifunga hat-trick. Baada ya kujihakikishia taji lake la kwanza, Barcelona sasa wanajiandaa kukwaana na Athletic Bilbao katika mchezo wa Kombe la Mfalme Mei 30 kabla ya kukwaana na Juventus Juni 6 katika fainali ya michuano ya Ligi ya Mabingwa Ulaya.