JUNINHO AMTAKA POGBA KUIKACHA PSG NA KWENDA BARCELONA.

KIUNGO wa zamani wa Lyon, Juninho amemuonya nyota wa Juventus Paul Pogba kutokubali kwenda Paris Saint-Germain na anaamini akienda Barcelona ndio litakuwa chaguo sahihi. Pogba anategemwa kuwindwa na vilabu vingi vikubwa Ulaya majira ya kiangazi huku PSG wakiongoza mbio hizo kea kukubali kutoa kitita cha euro milioni 80 ka ajili yake. Akihojiwa kuhusiana na suala hilo Juninho amesema Barcelona litakuwa chaguo sahihi kwa Pogba kutokana na Andres Iniesta kukaribia kikomo chake. Juninho aliendelea kudai kuwa kama akiamua kwenda Real Madrid atapata tabu kidogo kuzoea mfumo lakini kea mfumo wa Barcelona ulivyo itakuwa rahisi kwake kuzoea mazingira. Pogba alisaini mkataba mpya wa miaka mitano na Juventus Octoba mwaka jana lakini hilo halijazuia tetesi juu ya mustakabali wake wa baadae.