MABINGWA WA LIGI KUU CHELSEA KUCHEZA BANGKOK.

MABINGWA wapya wa Ligi Kuu ya Uingereza, Chelsea wamejumuisha Mei 30 katika ratiba yao jijini Bangkok wakati watakapocheza na nyota wa soka wa Thailand. Chelsea ambao wamewahi kwenda kucheza mechi za kirafiki nchini Thiland mwaka 2011 na 2013, wanatarajiwa kucheza mchezo huo katika Uwanja wa Rajamangala kabla ya kupaa kuelekea Australia kuchukuana na Sydney FC Juni 2 mwaka huu. Chelsea pia watacheza michuano ya Kombe la Kimataifa nchini Marekani dhidi ya timu za New York Red Bulls, Paris Saint-Germain na Barcelona Julai. Waratibu wa mchezo huo huko Bangkok wamedai kuwa utakuwa mahsusi kuadhimisha miaka 88 ya kuzaliwa mfalme wa Thailand.