GAZA ALINIHAMASISHA KUFUNGA - WILSHERE.

KIUNGO Jack Wilshere amesema mabao mawili aliyoifungia Uingereza katika mchezo dhidi ya Slovania yalihamasishwa zaidi na kutizama kwake makala ya Paul Gascoigne maarufu kwajina la Gaza kabla ya mchezo huo wa kufuzu michuano ya Ulaya mwaka 2016. Wilshere alifunga mabao hayo katika ushindi wa mabao 3-2 waliopata katika mchezo huo na kuifanya Uingereza kuendeleza rekodi yao ya ushindi asilimia 100 katika kundi E. Hivi karibuni imetolewa makala mpya inamuhusu Gaza na Wilshere amebainisha nguli huyo wa zamani wa Newcastle United na Tottenham Hotspurs wanafanana katika kila idara kama ilivyokuwa enzi zake akicheza. Wilshere amesema makal hiyo ilimuongezea morali na kumfanya kuongeza bidii kwani nguli huyo alikuwa haonyeshi woga wowote wakati akiitumikia Uingereza.