LEBRON JAMES ATAMBA KUIBEBA CAVALIERS.

MCHEZAJI nyota wa mpira wa kikapu, LeBron James amesema ukame wa mataji wa timu ya Cleveland Cavaliers ndio unaompa uchu zaidi wakati wakijiandaa na mchezo wao wa leo dhidi ya Golden State Warriors katika fainali za NBA. Golden State alifanikiwa kushinda kwa vikapu 104-91 Jumapili katika fainali tano ya michuano hiyo na kuwafanya kuongoza kwa 3-2. Mchezo wa leo utakuwa wa kufa na kupona kwa Cavaliers kwani wasipofanikiwa kushinda Golden State ndio watatawashwa mabingwa wa NBA kwa mwaka huu. Cavaliers hawajawahi kushinda fainali za michuano hiyo na James amesema atafanya kila analoweza kuhakikisha anafanikisha hilo kwakuwa yeye ni mchezaji bora wa mchezo huo duniani. Golden State wenyewe hawajawahi kushinda taji la NBA toka mwaka 1975 hivyo na wenyewe watakuwa makini kuhakikisha wanafikia malengo yao wakiongozwa na nyota wao Stephen Curry.