RATIBA LIGI KUU MSIMU UJAO: CHELSEA KUANZA SWWANSEA, CITY KUIFUATA WEST BROM, UNITED NA SPURS.

MABINGWA wa Ligi Kuu klabu ya Chelsea imepangwa kuanza kutetea taji lao nyumbani katika mchezo dhidi ya Swansea City katika ratiba inayotarajiwa kuanza mwishoni mwa wiki ya Agosti 8 na 9. Manchester City ambao wamemaliza ligi wakitofautiana alama nane na Chelsea, wao watasafiri kuifuata West Bromwich Albion wakati majirani zao Manchester United wataanza na Tottenham Hotspurs katika Uwanja wa Old Trafford. Arsenal wao wataanzia nyumbani wakiikaribisha West Ham United, Liverpool watasafiri kuifuata Stoke City, Newcastle wataanzia nyumbani na Southampton huku Leicester City nao wakiikaribisha Sunderland. Timu zilizopanda daraja msimu huu Bournemouth wao watavaana na Aston Villa, Watford watacheza na Everton huku Norwich wai wakiivaa Crystal Palace. Ligi zote kubwa Ulaya msimu huu zitaanza mapema zaidi kulinganisha na msimu uliopita, ili kupisha michuano ya Ulaya inayotarajiwa kuanza Juni 10 mwakani.