BAAA YA BACCA SASA MILAN YAMNASA ADRIANO.

KLABU ya AC Milan imetangaza rasmi kumnasa mshambuliaji wa kimataifa wa Brazil, Luiz Adriano kutoka klabu ya Shakhtar Donetsk ya Ukraine. Nyota huyo mwenye umri wa miaka 28 msimu uliopita alifanikiwa kufunga mabao tisa katika michuano ya Ligi ya Mabingwa Ulaya akilingana idadi hiyo ya mabao na nyota wengine akiwemo Lionel Messi, Neymar na Cristiano Ronaldo. Milan ilithibitisha tarifa hizo kupitia ukurasa wake wa mtandao wa kijamii wa twitter na kuongeza kuwa amepewa mkataba unaomalizika Juni 30 mwaka 2020. Adriano ambaye amefanikiwa kwa kiasi kikubwa toka ajiunge na Shakhtar mwaka 2007, ameitwa mara nne katika kikosi cha timu ya taifa ya Brazil toka aitwe kwa mara ya kwanza Novemba mwaka jana.