BILIC AMLILIA DOWNING.

MENEJA wa klabu ya West Ham United, Slaven Bilic amesema hakutaka Stewart Downing kuondoka katika timu hiyo na alikuwa akimtegemea winga huyo kwa ajili ya msimu ujao wa Ligi Kuu. Nyota huyo wa kimataifa wa Uingereza mwenye umri wa miaka 30 amejiunga tena klabu ya Middlesbrough kwa mkataba wa miaka minne. Akihojiwa Bilic amesema hakutaka kabisa Downing aondoke kwani ni mchezaji bora na anajua ni vigumu kupata mchezaji mwenye uwezo kama wake. Meneja huyo aliendelea kudai kuwa amefanya kila awezalo kujaribu kumshawishi abaki lakini haikuwezekana. Downing ambaye ni mzaliwa wa Middlesbrough, amecheza misimu miwili West Ham na kufanikiwa kufunga mabao saba katika mechi 74 alizocheza.