CITY YAKUBALI KUMCHUKUA STERLING KWA PAUNDI MILIONI 49.

KLABU ya Liverpool, imefikia makubaliano na Manchester City kuhusu uhamisho wa Raheem Sterling utakaogharimu kiasi cha paundi milioni 49. City wamekuwa wakimuwania nyota huyo wa kimataifa wa Uingereza mwenye umri wa miaka 20 toka alipoomba kuondoka Anfield baada ya kukataa kuongeza mkataba mpya ambao ungemuwezesha kulipwa kitita cha paundi 100,000 kwa wiki. Meneja wa Liverpool Brendan Rodgers alithibitisha taarifa hizo wakati akizungumza na wanahabari pindi walipotua nchini Thailand kwa ajili ya kuanza ziara yao ya Asia na Australia. Rodgers amesema klabu hizo mbili tayari zimeshakubaliana na kinachosubiriwa na vipimo vya afya pamoja na masuala binafsi ya Sterling.