MEXICO YAANZA KIBABE MICHUANO YA GOLD CUP.

MSHAMBULIAJI Oribe Peralta amefunga hat-trick wakati Mexico wakimaliza ukata wao wa kutoshinda katika mechi saba kwa kuitandika Cuba kwa mabao 6-0 katika michuano ya Kombe la Gold. Kwa upande mwingine Trinidad na Tobago pia walishinda kirahisi katika mchezo mwingine wa kundi C kwa kuigaragaza Guetemala kwa mabao 3-1. Mexico ambao ni mabingwa mara nne wa michuano hiyo inayoandaliwa na Shirikisho la Soka la America Kaskazini, Kati na Caribbean-Concacaf, walitawala mchezo huo kuanzia mwanzo na kwenda mapumziko wakiwa tayari kifua mbele kwa mabao 4-0. Mexico sasa wanakabiliwa na kibarua kingine Julai 15 wakati watakapochuana na Trinidad na Tobago. Michuano ya Kombe la Gold huchezwa kila baada ya miaka miwili kwa nchi zilizo katika ukanda wa Concacaf.