MONTOYA ATUA MILAN TAYARI KWA VIPIMO KABLA YA KWENDA INTER.

BEKI wa Barcelona, Martin Montoya ametua jijini Milan kwa ajili ya kufanyiwa vipimo vya afya kabla ya kukamilisha uhamisho wake wa mkopo kwenda Inter Milan. Inter wamekuwa wakiimarisha kikosi chao katika usajili huu wa kiangazi wakiwa tayari wameshawanasa nyota kama Jeison Murillo, Geoffrey Kondogbia na Miranda mpaka sasa. Mapema leo rais wa Inter Eric Thohir alionekana akiwa katika Uwanja wa Ndege wa Malpensa akimpokea nyota huyo mwenye umri wa miaka 24. Meneja wa Inter Roberto Mancini amekuwa akitaka kuimarisha safu ya ulinzi ya kikosi chake kabla ya kuanza msimu ujao baada ya kumaliza wakiwa nafasi ya nane katika Serie A msimu uliopita.