PAMOJA NA KUTOLEWA NJE, MAN UNITED BADO WAMKOMALIA SCHNEIDERLIN.

KLABU ya Manchester United ina matumaini ya kumsajili kiungo wa Southampton Morgan Schneiderlin kabla hawajasafiri kwenda nchini Marekani kesho kuanza ziara yao ya majira ya kiangazi. Meneja wa Southampton Ronald Koeman hivi sasa amekuwa akihaha kutafuta mbadala wa kiungo huyo baada ya dalili zote kuonyesha anaweza kuondoka. Ofa ya meneja wa United, Louis van Gaal ya paundi milioni 20 likataliwa na Southampton huku Koeman akimthaminisha mchezaji huyo kwa paundi milioni 27. Kutokana na hekaheka hizo Koeman ameamua kujiandaa kabisa kwa kumfukuzia kiungo wa Feyenoord Jordy Clasie ambaye anaaminika kuwa mbadala wa Schneiderlin kama United wakiamua kuongeza ofa yao. Katika kujiimarisha tayari kwa msimu ujao United tayari wameshamsajili Memphis Depay kutoka klabu ya PSV Eindhoven ya Uholanzi.