SCHWEINSTEIGER, SCHNEIDERLIN DONE DEAL UNITED.

KLABU ya Manchester United imethibitisha kukamilisha usajili wa wachezaji wawili ambao ni kiungo wa kimataifa wa Ujerumani, Bastian Schweinsteiger na nyota wa kimataifa wa Ufaransa Morgan Schneiderlin. Schweinsteiger mwenye umri wa miaka 30 amesaini mkataba wa miaka mitatu akitokea klabu ya Bayern Munich ambao ni mabingwa wa Bundesliga kwa ada ya paundi milioni 14.4. Scheineiderlin mwenye umri wa miaka 25 yeye amekamilisha usajili wake akitokea Southampton kwa ada inayokadiriwa kufikia paundi milioni 25 huku akisaini mkataba wa miaka minne ambao una vyongeza ya mwaka mwingine zaidi. Akihojiwa Schweinsteiger amesema amakufurahi muda wake wote aliokuwepo Bayern na uamuzi wa kuondoka haukuwa rahisi kwake. Kiungo huyo aliendelea kudai kuwa United ni klabu pekee ambayo ndio imemfanya kuondoka Bayern na anajiona yuko tayari kukabiliana na changamoto mpya katika Ligi Kuu ambayo ina ushindani mkubwa.