STERLING AKOSA MAZOEZI YA LIVERPOOL HUKU AKISHINIKIZA KUACHWA KATIKA ZIARA YA MASHARIKI YA MBALI.

MSHAMBULIAJI nyota wa Liverpool, Raheem Sterling amekosa mazoezi ya timu yake leo baada ya kuomba ruhusa ya kuumwa. Mapema winga huyo aliifahamisha klabu hiyo kuwa hataki kujiunga nao katika ziara yao ya kujiandaa na msimu mpya nchini Australia na bara la Asia huku Manchester City wakiendelea kummezea mate. City ndio wanaoongoza mbio za kumuwania Sterling kama akiondoka Anfield ambapo kwasasa wanajiandaa kutuma ofa ya tatu yenye thamani ya paundi milioni 45 baada ya mbili za mwanzo kukataliwa. Sterling alishakutana na meneja Brendan Rodgers huko Melwood na kumuelezea nia yake ya kuondoka wakati pia amesisitiza hajajiandaa kujiunga na wachezaji wenzake katika ziara zao huko mashariki ya mbali. Liverpool wanatarajiwa kuondoka kwa ajili ya ziara zao Jumapili hii na wanatarajiwa kucheza na kikosi cha wachezaji nyota wa Thailand jijini Bangkok Jumanne ijayo.