HAPATOSHI ULAYA LEO.

MSIMU mpya wa michuano ya Ligi ya Mabingwa Ulaya unatarajiwa kuanza rasmi leo kwa viwanja vinne tofautia kuwaka moto. Katika kundi A, tutashuhudia Paris Saint Germain-PSG wakiikaribisha Malmo ya kutoka Sweden huku Real Madrid wao wakiwa wenyeji wa Shakhtar Donetsk katika mchezo uakaochezwa katika Uwanja wa Santiago Bernabeu.  PSV Eindhoven ya Uholanzi watafungua mchezo wao wa kundi B kwa kuikaribisha Manchester United huku nyota wao wa zamani Memphis Depay akirejea kwa mara kwanza toka asajiliwe na wakongwe hao wa Uingereza mapema kiangazi hiki. Mchezo mwingine wa kundi hilo utazikutanisha Vfl Wolfsburg ya Ujerumani watakaoshuka dimbani kumenyana na CSKA Moscow ya Urusi.