MADRID NA MAN UNITED ZALAUMIANA KUHUSU KUKWAMA KWA DILI LA DE GEA.

KLABU ya Real Madrid imedai kufanya kila inaloweza kujaribu kumsajili golikipa wa Manchester United David De Gea, baada ya dili hilo kushindwa kukamilika jana. De Gea mwenye umri wa miaka 24 ambaye ilikuwa asajiliwe kwa kitita cha paundi milioni 29 huku Keylor Navas akielekea upande wa pili na Madrid wanaituhumu United kutumia saa nane kutoa majibu ya mikataba. Timu hizo mbili zimetoa taarifa za kulaumiana kuhusiana na uhamisho huo ambao uliaminika kuwa pande zote mbili zilishafikia makubaliano. Wakati Madrid wakilalama kucheleweshewa vielelezo muhimu, United wao wamedai Madrid wenyewe ndio waliochelewa kuchukua vielelezo hivyo katika mtandao.