GUTIERREZ KUTUA DEPORTIVO LA CORUNA.

KIUNGO wa zamani wa Newcastle United, Jonas Gutierrez amekubali uhamisho kwenda klabu ya Deportivo La Coruna. Nyota huyo mwenye umri wa miaka 32 aliachwa na Newcastle kipindi hiki cha majira ya kangazi baada ya kumaliza mkataba wake. Derportivo imedai kuwa dili hilo litakamilika pindi Gutierrez ambaye alirejea uwanjani Machi mwaka huu baada ya kupona saratani ya korodani, atakapokamilisha vipimo vya afya. Gutierrez amefunga mabao 12 katika mechi 205 alizoichezea Newcastle baada ya kujiunga nao akitokea Real Mallorca mwaka 2008.