WEST HAM YANASA WATATU KWA MPIGO.

KLABU ya West Ham United imefanikiwa kuwasajili tena kwa mkopo kiungo wa Barcelona Alex Song na winga wa Chelsea Victor Moses huku mshambuliaji wa Hull City Nikica Julavic pia akitua kwa kitita cha paundi milioni tatu. Song mwenye umri wa miaka 27, aliitumikia West Ham michezo 31 katika mashindano yote msimu uliopita huku Moses mwenye umri wa miaka 24 akijiunga baada ya kusaini mkataba mpya wa miaka minne na Chelsea. Jelavic raia wa Croatia mwenye umri wa miaka 30 amesaini mkataba wa miaka miwili huku kukiwa ni kipengele cha kuongezewa miaka mingine miwili zaidi. Song raia wa Cameroon alijiunga na Barcelona mwaka 2012 akitokea Arsenal kwa kitita cha paundi milioni 15.