SOUTHAMPTON YAKAMILISHA USAJILI WA DIJK.

KLABU ya Southampton imekamilisha uhamisho wa beki wa kimataifa wa Uholanzi Virgil van Dijk kutoka klabu ya Celtic ambao umewaharimu kitita cha paundi milioni 11.5. Nyota huyo mwenye umri wa miaka 24 alikubali mkataba wa miaka mitano na klabu hiyo baada ya kufaulu vipimo vya afya alivyofanyiwa leo. Van Dijk alijiunga na Celtic mwaka 2013 baada ya miaka mitatu ya kuitumikia Groningen na kufanikiwa kushinda mataji mawili mfululizo ya Ligi Kuu ya Scotland. Akihojiwa mara baada ya kukamilisha usajili wake, Dijk amesema amehamia katika Ligi Kuu wakati muafaka kwa ajili ya kuimarika zaidi kisoka. Nyota huyo aliendelea kudai kuwa Southampton ni klabu sahihi kwake kwa hivi sasa na anahitaji kuitumikia mara nyingi kadri awezavyo.