CHELSEA YANASA BEKI LA SENEGAL BAADA YA KUMKOSA STONES.

KLABU ya Chelsea imesajili beki wa kimataifa wa Senegal, papi Djilobodji kutoka Nantes ya Ufaransa kwa kitita cha paundi milioni nne. Klabu hiyo ilithibitisha taarifa hizo na kudai kuwa beki huyo mwenye umri wa miaka 26 amepew mkataba mitano kwenda Stamford Bridge. Meneja wa Chelsea Jose Mourinho amemgeukia beki huyo mwenye urefu wa futi sita baada ya kushindwa kufanikiwa kumsajili John Stones kutoka Everton. Chelsea pia inajipanga kumsajili beki wa kati wa klabu ya Reading Michael Hector mwenye umri wa miaka 23 kwa kitita kama hicho. Djilobodji ambaye alikuwa akimalizia mwaka wa mwisho katika mkataba wake ameitumikia Nantes mechi 183 toka alipojiunga nao mwaka 2010.