OZIL ADAI ILI ASHINDE BALLON D'OR INABIDI AWE MBINAFSI ZAIDI.

KIUNGO mahiri wa Arsenal, Mesut Ozil anaamini anahitaji kuwa mbinafsi zaidi kama anataka kufikia malengo yake ya kunyakuwa tuzo ya Ballon d’Or. Washambuliaji Lionel Messi na Cristiano Ronaldo ndio wamekuwa wakitawala tuzo hizo toka mwaka 2010. Ozil amefanikiwa kufunga mabao matano pekee katika mechi 32 alizocheza akiwa na Arsenal msimu uliopita na kocha wake Arsene Wenger amempa changamoto ya kujitahidi zaidi ya hapo msimu huu. Akihojiwa Ozil amesema msimu uliopita haukuwa mzuri kwake kwani alikuwa akiandamwa na majeruhi ya mara kwa mara lakini kwasasa hivi yuko fiti. Nyota huyo aliendelea kudai kuwa ili aweze kufunga mabao mengi zaidi inabidi awe mbinafsi zaidi na kuwa hatari pindi anapokaribia lango la wapinzani wao.