REUS AACHWA TENA NA UJERUMANI.

KIUNGO Marco Reus ameondolewa katika kikosi cha timu ya taifa ya Ujerumani kinachojiandaa kwa ajili ya mechi za kufuzu michuano ya Euro 2016 baada ya kuumia mazoezini. Nyota huyo wa Borussia Dortmund hajaiwakilisha nchi yake toka Septemba mwaka jana walipopata ushindi wa mabao 2-1 dhidi ya Scotland. Reus ambaye pia alikosa kuwepo katika kikosi cha Ujerumani kilichonyakuwa Kombe la Dunia mwaka jana kutokana na majeruhi, alikuwa ameanza vyema msimu huu akifunga mabao mawili katika mechi tatu zilizoisaidia klabu yake ya Borussia Dortmund kuongoza Bundesliga. Ujerumani kwasasa wanashina nafasi ya pili katika kundi D nyuma ya Poland ambao ndio watakaovaana nao kesho huko Frankfurt kabla ya kusafiri kuifuata Scotland Jumatatu ijayo.