ANCELOTTI ATUPA TAULO MBIO ZA UMENEJA LIVERPOOL.

MENEJA wa zamani wa Real Madrid na Chelsea, Carlo Ancelotti ameondoa uwezekano wa kuinoa Liverpool lakini amesema amepanga kurejea tena katika kibarua hicho msimu ujao. Ancelotti amekuwa akitajwa kama mbadala wa Brendan Rodgers lakini mpaka anaeongoza mbio hizo ni Jurgen Klopp ambaye kuna ripoti zinadai kuwa anatarajia kupewa mkataba wa miaka mitatu. Kocha huyo mwenye umri wa miaka 56 ambaye amekuwa bila kibarua toka atimuliwa Santiago Bernabeu mwishoni mwa msimu wa 2014-2015, amedai anafurahia kupumzika kwanza kabla ya kuchukua majukumu mengine. Akihojiwa Ancelotti amesema kazi ukocha ni jambo ambalo anapenda kulifanya lakini kwasasa anahitaji muda kidogo wa kupumzika na kutafakari kabla ya kuanza tena.