BLANC AMMWAGIA SIFA IBRAHIMOVIC KWA KUWEKA REKODI.

MENEJA wa Paris Saint-Germain, Laurent Blanc amesema hajashangazwa na Zlatan Ibrahimovic kufanikiwa kuweka rekodi ya kuwa mfungaji bora wa wakati wa klabu katika kipindi kifupi cha miaka mitatu. Ibrahimovic jana alifanikiwa kufunga mabao mawili kwa mikwaju ya penati katika ushindi wa mabao 2-1 dhidi ya Marseille na kumfanya kufikisha idadai ya mabao 110 katika mechi 133 alizocheza katika mashindano yote. Rekodi aliyovunja ilikuwa ikishikiliwa na Pauleta ambaye ilimchukua miaka mitano na mechi 212 kufikia idadi ya mabao 109. Akihojiwa Blanc amesema Ibrahimovic ni mmoja kati ya wachezaji wenye kipaji cha kipekee katika mchezo wa soka ndio haijamshangaza sana kufikia rekodi hiyo kwa muda mfupi.