DE BRUYNE AFURAHIA PATNERSHIP YAKE NA AGUERO.

KIUNGO mpya wa Manchester City, kevin De Bruyne amesema maelewano yake na Sergio Aguero uwanjani yanazidi kuimarika siku hadi siku. De Bruyne alitengeneza mabao mawili kati ya matano aliyofunga Aguero katika mchezo dhidi ya Newvastle ambao walishinda mabao 6-1. Nyota huyo wa kimataifa wa Ubelgiji alitua Etihad kwa kitita cha paundi milioni 55 kiangazi hiki akitokea Wolfsburg ya Ujerumani na tayari ameonyesha kuanza vyema kabuni hapo kwa kufunga mabao manne katika mechi tano zilizopita. Muunganiko wake na Aguero uwanjani unaonekana kuimarika kila siku huku mwenyewe akikiri nyota huyo wa kimataifa wa Argentina amekuwa akifanya kazi yake kuwa rahisi. De Bruyne amesema wamekuwa wakibadilishana nafasi vyema na sasa ni jukumu lao kuendeleza ushirikiano huo kwa manufaa ya klabu.