SIMEONE ATAMBA KUWA WALISTAHILI KUICHAPA MADRID.

MENEJA wa Atletico Madrid, Diego Simeone anadhani kuwa kikosi chake kilipoteza alama mbili jana katika mchezo dhidi ya mahasimu wao wa jiji Real Madrid uliofanyika katika Uwanja wa Vicente Calderone kwani aliamini walipaswa kuibuka na ushindi. Katika mchezo huo timu hizo zilitoka sare ya kufungana bao 1-1 huku wenyeji wakikosa penati katika kipindi cha kwanza. Akihojiwa Simeone amesema anadhani walipoteza alama mbili muhimu katika mchezo huo kutokana na jinsi walivyocheza vyema huku wakitengeneza nafasi nyingi zaidi za kufunga kuliko wenzao. Kocha huyo aliendelea kudai kuwa hata alama moja waliyopata ni muhimu lakini mchezo huo ulikuwa wa kwao kushinda.