NEWCASTLE YAMUWANIA VALDES.

KLABU ya Newcastle United, inafikiria kumsajili golikipa wa Manchester United Victor Valdes ambaye amekosa nafasi katika kikosi hicho. Newcastle imeanza haraka zoezi la kutafuta golikipa mpya baada ya Tim Krul kutarajiwa kukaa nje uwanja mpaka mwishoni mwa msimu huu. Chelsea na Liverpool nazo zimekuwa zikihusishwa na tetesi za kumtaka nyota huyo wa zamani wa Barcelona ingawa hata hivyo inaaminika Louis van Gaal hayuko tayari kumruhusu kujiunga na mahasimu wake wa Ligi Kuu. Mkongwe huyo anaoenakana kuwa na wakati mgumu Old Trafford kufuatia kuenguliwa katika kikosi cha Ligi ya Mabingwa Ulaya huku akiambia kuwa hatakuwepo katika kikosi cha kwanza, mambo yanaweza kuchangia kiasi kikubwa kuondoka kwake. Krul mwenye umri wa miaka 27 aliumia goti lake la kulia wakati akitumikia mechi za kimataifa na timu yake ya Uholanzi Jumamosi iliyopita.