KOCHA WA SUNDERLAND AMTUHUMU WENGER KWA MAJIDAI.

MENEJA wa Sunderland, Sam Allardyce amemtuhumu Arsene Wenger kwa tabia yake kujisikia na kudai anafurahia zaidi kuifunga Arsenal kuliko klabu yeyote ya Ligi Kuu. Arsenal walikuwa wakipata tabu pindi wanapokutana na Bolton Wanderers wakati Allardyce akiinoa klabu hiyo kati ya mwaka 1999 na 2007. Na kocha huyo anadai ushindi dhidi ya Arsenal lilikuwa jambo lililokuwa likimfurahisha zaidi kutoka na tabia ya Wenger. Akihojiwa kocha huyo amesema wakati Bolton alikuwa akifurahia kuifunga Arsenal kuliko timu nyingine kwani walifanya Wenger na mashabiki wa Arsenal kuwachukia. Allardyce aliendelea kudai kuwa ingawa mara nyingine walikuwa wanafungwa lakini walifanikiwa kutoa sare na kuwafunga zaidi kuliko ilivyotegemewa na Wenger hakuweza kumudu hilo.