RAKITIC ADAI CROATIA ITAPAMBANA KWA NIABA YA MODRIC.

KIUNGO Ivan Rakitic amesema Croatia itapambana kuhakikisha inapata nafasi ya kufuzu michuano ya Euro 2016 kwa heshima ya mchezaji mwenzao alioumia Luka Modric. Kiungo huyo wa Real Madrid alitolewa katika muda wa mapumziko wakati nchi hiyo ilipoichapa mabao 3-0 Bulgaria wiki iliyopita akisumbuliwa na majeruhi ya msuli na kocha Ante Cacic tayari ameshathibitisha kuwa hataweza kumtumia nyota huyo katika mchezo dhidi ya Malta. Rakitic amekiri kumpoteza Modric ni pigo lakini amesema kikosi chao kiko tayari kuhakikisha wanapata matokeo mazuri ili wajihakikishie nafasi ya moja kwa moja ya kufuzu michuano hiyo badala ya kwenda katika hatua ya mtoano. Nyota huyo amesema anafahamu hali sio nzuri na afya ya Modric ni muhimu zaidi hivyo watajituma kwa bidii kwa ajili yake.