REKODI NYINGINE KWA LEWANDOWSKI ULAYA.

MSHAMBULIAJI nyota wa kimataifa wa Poland Robert Lewandowski amefanikiwa kufikia rekodi ya mabao iliyowekwa na mshambuliaji wa Ireland ya Kaskazini David Healy katika mechi za kufuzu michuano ya Euro 2016. Lewandowski alifunga bao katika ushindi wa mabao 2-1 iliyopata Poland dhidi ya Jamhuri ya Ireland na kufikisha rekodi hiyo ya Healy ya mabao 13. Ushindi huo pia umeifanya Poland kufuzu michuano hiyo ambayo inatarajiwa kufanyika majira ya kiangazi mwakani nchini Ufaransa. Healy aliweka rekodi hiyo ya mabao katika mechi za kufuzu michuano ya Euro mwaka 2008.