BENZEMA, RODRIGUEZ FITI KUIVAA PSG.

MENEJA wa Real Madrid, Rafael Benitez amesema Karim Benzema na James Rodriguez wanaweza kuwa fiti kw ajili ya mchezo wa Ligi ya Mabingwa Ulaya dhidi ya Paris Saint-Germain kesho. Baada ya kuanza vyema msimu, mshambuliaji huyo wa kimataifa wa Ufaransa alikosekana katika kikosi cha kwanza kwa wiki tatu wakati Rodriguez raia wa Colombia yeye hajacheza toka Agosti mwaka huu. Madrid na PSG wote wana alama saba kuekelea katika mchezo huo utakaofanyika katika Uwanja wa Santiago Bernabeu, hivyo kila timu itakuwa ikitafuta ushindi ili iweze kuongoza kundi A. Benitez amesema Benzema yuko katika ratiba ya kumtumia katika mchezo huo ingawa bado anahitaji kujiamini. Kocha huyo aliendelea kudai kuwa Rodriguez naye yuko fiti kwa ajili ya mchezo huo lakiini haimaanishi kwamba ataanza kwasababu anaupungufu wa kukosa mechi nyingi za mashindano.