SCHNEIDERLIN HATIHATI KUIVAA CSKA MOSCOW.

KIUNGO wa Manchester United, Morgan Schneiderlin kuna wasiwasi wa kuukosa mchezo wa Ligi ya Mabingwa Ulaya dhidi ya CSKA Moscow kesho baada ya kushindwa kufanya mazoezi leo. Nyota huyo wa kimataifa wa Ufaransa, alicheza dakika zote katika sare ya bila kufungana waliyopata dhidi ya Crystal Palace katika mchezo wa Jumamosi iliyopita lakini leo alishindwa kufanya mazoezi na timu yake. Majeruhi Antonio Valencia na James Wilson nao pia walikaa nje katika mazoezi hayo wakati Phil Jones na Memphis Depay ambao walikosa mchezo uliopita, wao walifanya mazoezi tofauti na wachezaji wengine wa kikosi cha kwanza. United ambao hawajapata bao katika mechi zao tatu zilizopita wana alama nne sawa na CSKA katika kundi B, ikiwa ni alama mbili chini ya vinara Wolfsburg.