MOURINHO HAENDI KOKOTE - WAKALA.

WAKALA wa meneja wa Chelsea, Jose Mourinho amedai kuwa mteja wake atapata suluhisho la matatizo yanayoikabili timu yake kwasasa. Mabingwa hao wa Ligi Kuu wanashikilia nafasi ya 15 katika msimamo baada ya kutwangwa mechi sita kati ya 11 za ligi walizocheza na kutolewa katika michuano ya Kombe la Ligi.m Akihojiwa wakala na mshauri wa muda wa meneja huyo, Jorge Mendes amesema Mourinho hana haja ya kuonyesha chochote kwa yeyote kwani anajua nini cha kufanya. Mendes aliendelea kudai kuwa watu wamekuwa wakizungumzia Mourinho kuondoka lakini hadhani kama kutakuwa na nafasi hiyo kwakuwa anafahamu anaweza kutatua tatizo lililopo kutokana na ubora wake. Chelsea ilipunguza shinikizo kwa Mourinho jana baada ya kuifunga Dynamo Kiev kwa mabao 2-1 katika mchezo wa makundi wa Ligi ya Mabingwa Ulaya uliochezwa katika Uwanja wa Stamford Bridge.