LAMPARD AJUTIA KUSHINDWA KUELEWANA NA GERRARD KATIKA TIMU YA TAIFA.

KIUNGO wa zamani wa kimataifa wa Uingereza Frank Lampard amekiri kujutia maisha yake katika soka la kimataifa na kushindwa kwake kutengeneza ushirikiano mzuri katika safu ya kiungo na Steven Gerrard. Viungo hao ambao kwasasa wanacheza soka nchini Marekani katika klabu za New York City FC na Los Angeles Galaxy, walikuwa nyota wa kutumainiwa katika klabu zao za Chelsea na Liverpool lakini walishindwa kabisa kuelewana pindi wanapokutana katika majukumu ya kimataifa. Makocha waliofundisha kikosi cha timu ya taifa ya Uingereza walishindwa kuwaunganisha wawili hao wakati wanapokuwa pamoja. Akihojiwa Lampard amesema anadhani kuna muda makocha waliokuwa wakiwaongoza walitakiwa kufanya kitu tofauti ili aweze kuelewana vyema na Gerrard pindi wanapokuwa uwanjani pamoja.