ROMA WAMTAKA SZCZESNY MOJA KWA MOJA.

MKURUGENZI wa michezo wa AS Roma, Walter Sabatini amesema klabu hiyo inataka kumchukua kwa mkataba wa moja kwa moja golikipa Wojciech Szczesny. Golikipa huyo yuko kwa mkopo katika klabu hiyo akitokea Arsenal na tayari ameshaeleza kuwa itakuwa ni ndoto akirudi katika klabu ya Ligi Kuu. Hata hivyo, Sabatini amebainisha jana kuwa Roma wana matumaini ya kuendelea kubakia na golikipa huyo baada ya kumalizika kwa msimu wa 2015-2016. Sabatini amesema wanashughulikia suala la kumbakiza Szczesny lakini kwa jinsi anavyoifahamu Arsenal litakuwa suala gumu kufanikiwa. Szczesny amefanikiwa kutofungwa katika mechi tatu kati ya tisa za Serie A alizoichezea Roma ambao wako nafasi ya tatu katika msimamo.