TETESI ZA USAJILI ZILIZOJIRI HUKO MAJUU.

KLABU ya Manchester City na meneja wao mpya mtarajiwa Pep Guardiola wanajipanga kufanya kila wawezalo kuhakikisha wanamsajili mshambuliaji nyota wa Barcelona Lionel Messi majira ya kiangazi.
Chanzo: Daily Express.

KLABU ya Tottenham Hotspurs inajipanga kumtunuku mkatab ampya Dele Alli kwa kiwango bora alichoonyesha ambapo katika mkataba wake huo mpya ataongezwa mara mbili ya mshahara wake na kufikia kiasi cha paundi 20,000 kwa wiki.
Chanzo: Evening Standard.

KLABU ya Juventus imejitosa kumuwania kiungo wa Manchester United Ander Herrera baada ya maofisa wa mabingwa hao wa Serie A kutembelea Old Trafford na kukunwa na kiwango cha nyota huyo wa kimataifa wa Hispania.
Chanzo: Fichajes.net

KLABU ya Newcastle United imeanza mazungumzo na Bordeaux kuhusu kutaka kumsajili kiungo Henri Saivet, huku klabu hiyo ya Ufaransa ikitaka kupewa kitita cha paundi milioni tatu.
Chanzo: Foot Mercato

KLABU za Manchester United, Chelsea na Manchester City zote kwa pamoja zimekuwa zikifuatilia kwa karibu maendeleo ya mazungumzo ya mkataba wa Jamie Vardy na Leicester City ambapo klabu hiyo bado haijampa ofa mpya mshambuliaji huyo.

Chanzo: Sky Sport