TETESI ZA USAJILI ZILIZOJITOKEZA HUKO MAJUU.

MWENYEKITI wa Manchester United, Ed Woodward anatarajia kutenga ofa nyingine ya paundi milioni 90 kwa ajili ya kumsajili Gareth Bale majira ya kiangazi kufuatia kukataliwa na Real Madrid mwaka jana.
Chanzo: The Times

MENEJA wa Manchester United, Louis van Gaal anakabiliwa na mapambano ya kukilinda kibarua chake kufuatia taarifa kuwa familia ya Glazer ambao ndio wamiliki wa klabu huyo kuwa tayari kumtimua Mholanzi huyo.
Chanzo: Daily Stars

KLABU ya Newcastle United inakaribia kuafikiana kiwango cha ada na Bordeaux ili waweze kunyakuwa kiungo Henry Saivet ambapo uhamisho huo unatarajiwa kugharimu kitita cha euro milioni sita.
Chanzo: RMC

BEKI wa kushoto wa klabu ya Lyon Henry Bedimo anaweza kuondoka katika timu hiyo kipindi hiki cha Januari kutokana na taarifa za kuwindwa na klabu za West Bromwich Albion na AC Milan.
Chanzo: L’Equipe

KLABU ya Liverpool inatajwa kushinda mbio za kuwania kumsajili Alexandre Pato kufuatia klabu yake ya Corinthians kutaka kumuuza nyota huyo wa kimataifa wa Brazil kipindi cha usajili wa Januari. Pato amekataa ofa kutoka China ili aweze kutua Anfield baada ya Liverpool kukubali kutoa kitita cha paundi milioni 11.
Chanzo Daily Star

KLABU ya Chelsea inatajwa kutenmga kitita cha paundi milioni 30 kwa ajili ya kumuwani kiungo wa ushambuliaji wa Shakhtar Donetsk Alex Teixeira ambaye amefunga mabao 26 katika mechi 26 alizocheza msimu huu.
Chanzo: Star