VAN GAAL ADAI SARE WALIYOPATA JANA NI KAMA WAMEFUNGWA.

MENEJA wa Manchester United Louis van Gaal amesema sare ya mabao 3-3 waliyopata dhidi ya Newcastle United katika mchezo wa Ligi Kuu uliochezwa jana usiku wameona kama wamefungwa baada ya wenyeji hao kuwakatalia ushindi katika za mwishoni. United ilikuwa ikiongoza kwa mabao 2-0 na baadae mabao 3-2 katika Uwanja wa St. James Park lakini bao la kusawazisha lililofungwa katika dakika za majeruhi na Paul Dummett lilimfanya Van Gaal kuudhika. Akihojiwa Van Gaal amesema anaona kama wamefungwa kwani hawakupaswa kuruhusu kufungwa bao la dakika za mwisho. Kocha huyo aliendelea kudai kuwa wachezaji wake walishindwa kuulinda ushindi hivyo kuwafanya kuzikosa alama tatu muhimu.