MAN CITY YAMTENGEA LEWANDOWSKI PAUNDI MILIONI 75.

KLABU ya Manchester City inaripotiwa kujipanga kutenga kitita cha paundi milioni 75 kwa ajili ya mshambuliaji wa Bayern Munich Robert Lewandowski kama ataanza mazungumzo na Real Madrid. Inaripotiwa kuwa Pep Guardiola aliapa kutochukua mchezaji yeyote wa Bayern wakati atakapochukua mikoba ya kuinoa City lakini ataingia katika kinyang’anyiro kwa Lewandowski kama atafuatwa na Madrid. City wanatarajia kuendelea kumuwania Lionel Messi baada ya kumpata Guardiola lakini uwezekano wa kumnasa Lewandowski bado ni mkubwa zaidi. Paris Saint-Germain pia wanamuwania Lewandowski lakini nyota huyo wa kimataifa wa Poland amesema angependa zaidi kwenda Uingereza au Hispania.